Muqdisho (Dalkaan.com) – Magaalada Muqdisho ee caasimada Soomaaliya waxaa ka socda qaban-qaabadii ugu dambeysay ee baabulka banaan-baxa ka dhanka ah dowladda ee ay ku dhowaaqeen xubnaha midowga musharraxiinta mucaaradka.

Baraha bulshada ayaa sidoo kale si weyn looga hadal hayaa dibad-baxan oo ku soo aadaya, xilli dowladda Soomaaliya ay mamnuucday isu imaatinka dadweynaha.

Advertisement

Sidoo kale si uu u dhaco dibad-baxa madaxweynayaashii hore Xasan Sheekh Maxamuud iyo Sheekh Shariif Sheekh Axmed ayaa xalay degan hotelka Maa’ido, Ex Naasahablood 2 oo ku dhow xarunta Villla Soomaaliya, sidoo kalenaku yaalla erada Daljirka Daahsoon.

Wararka ayaa sidoo kale intaasi kusii daray in ammaanka iyo hotelka iyo nawaaxigiisa ay la wareegeen ciidamo milatari ah oo ilaalo u ah labadaasi musharrax.

Dhinaca kal guddiga qaban-qaabada banaan-baxa ayaa diyaariyey agab gaar ah oo loogu tala-galay xakameynta Covid-19, si loogu qeybiyo dadweynaha.

Guddiga ayaa shaaca ka qaaday in dibad-baxayaasha ay u diyaariyeen:-

1-10 kun oo “face masks” ah ama afxirasho oo loogu talo-galay dibadbaxayaasha

2-Dhowr boqol oo “Hand Sanitizers” oo faraha lagu dhaqdo, oo dadka looga horkeenayo inta aaney tagin goobta

3-Koox gargaar degdeg oo ku fiican xaaladaha degdegga ah!

4-Ambulance lagu qaado dadka haddii ay wax dhacaan!

5-Biyo dadka harraadsan ay cabaan.

Si kastaba xaaladda Muqdisho ayaa aad u kacsan, waxaana laga dareemayaa dhaq-dhaqaaqyo iska soo horjeeda, iyada oo aad loo hadal hayo banaan-baxa mucaaradka.

Source: dalkaan.com

LEAVE A REPLY

Please enter your comment!
Please enter your name here