Manchester City ayaa lagu soo waramayaa inay ku biirtay tartanka loogu jiro da’yarka Barcelona Gavi , iyadoo ay sidoo kale xiiseynayaan Chelsea iyo Liverpool .

17-sano jirkaan ayaa boos ka helay kooxda waa weyn ee Camp Nou xilli ciyaareedkan, isagoo dhaliyay hal gool islamarkaana caawiyay seddex gool 16 kulan oo uu u saftay kooxda Catalan.

Gavi ayaa sidoo kale ololahan kasoo muuqday dhamaan lixdii kulan ee heerka guruubyada Champions League ee Barcelona, ​​taas ayaana siisay khibrad badan oo uu u leeyahay ciyaaryahan da’diisa ah.

Wararka Kale ee Xiisaha Badan

Manchester Evening News ayaa ku warameysa in Pep Guardiola uu doonayo inuu da’yarkaan ka soo qaato kooxdiisii ​​hore, laakiin Man City ayaa ku qasbanaan doonta inay iska caabiso tartanka kooxaha Premier League ee Liverpool iyo Chelsea.

Ronald Koeman ayaa Gavi u gacan galiyay kulankiisii ​​ugu horeeyay ee kooxdiisii ​​ugu horaysay ee Camp Nou bishii August wuxuuna u saftay 22 kulan kooxda Xavi .

Fadlan Tuko Salaada Hadii la Gaaray Waqtigeeda


Source: dalkaan