Kooxaha reer London ee Chelsea iyo Tottenham ayaa ku ballansan ciyaar xiise gaar ah leh oo noqonaysa middii saddexaad ee saddex toddobaad gudahood ay iskaga hor yimaaddaan iyadoo labadii jeer ee hore ay ahaayeen tartanka Carabao Cup oo ay Chelsea si xarrago leh u badisay.

Chelsea ayaa hadda  horyaalka kaga jirta kaalinta saddexaad, waxaanay siddeed dhibcood ka  horreysaa Tottenham oo lixaad fadhida, hase yeeshee saddex kulan baaqi u yihiin.

Wararka Labada Koox

Chelsea waxa usoo laabtay Trevoh Chalobah iyo Reece James oo tababarka qaatay, laakiin midkoodna laguma soo darayo liiska ciyaarta maanta.

Ben Chilwell ayaa xilli ciyaareedka  oo dhan maqnaanaya, halka Andreas Christensen uu karantiil ugu jiro Fayraska Korona isla markaana uu Edouard Mendy ku maqan yahay tartanka  qaramada Afrika.

Tuchel waxa u yaalla arrimo badan oo ay tahay inuu go’aan ka gaadho marka ay noqoto dhinaca xulashada ciyaartoydiisa, gaar ahaan Malang Sarr, Timo Werner iyo Mateo Kovacic oo ahaa beddel kulankii Brighton.

Tottenham waxa usoo noqday Eric Dier oo kasoo noqday dhaawac laakiin Son Heung-Min iyo Cristian Romero ayaa wali maqaneyaal ah.

Antonio Conte ayaa qirtay in kooxdiisu ay haysato dhaawacyo cusub oo walaac ku haya, balse waxa uu diiday inuu magacaabo laacibiinta ka dhaawacmay.

Shaxaha macquulka ah ee labada kooxood

Chelsea: Kepa; Sarr, Silva, Rudiger; Azpilicueta, Kante, Kovacic, Alonso; Mount, Lukaku, Werner

Tottenham: Lloris; Sanchez, Dier, Davies; Emerson, Skipp, Winks, Hojbjerg, Reguilon; Kane, Lucas

Chelsea Vs Tottenham

Tartanka Premier league

Saacada Saacada (19:30 pm Somalia) (17:30 pm Yurub)

Garoonka  Stamford Bridge Stadium

Wararka Kale ee Xiisaha Badan

Fadlan Tuko Salaada Hadii la Gaaray Waqtigeeda

Ciyaaro.com Riix Halkan Ku Laabo Qeybta Hore


Source: dalkaan