Chelsea ayaa lagu soo waramayaa in ay iska iibin doonto xiddigaha Ross Barkley , Hakim Ziyech iyo Ruben Loftus-Cheek inta lagu guda jiro suuqa kala iibsiga ee January iyaga oo isku dayaya in ay lacag u helaan suuqa kala iibsiga.

Blues ayaa la filayaa inay kooxda keento daafac bidix oo cusub bishaan ka dib warka sheegaya in Ben Chilwell ay u badan tahay inuu seego inta ka dhiman ololaha 2021-22 ka dib qaliin jilibka ah.

Si kastaba ha ahaatee, kooxda reer London ayaa sidoo kale weli lala xiriirinayaa Aurelien Tchouameni , kaasoo la filayo inuu ka tago kooxdiisa Ligue 1 bisha Janaayo ama inta lagu jiro suuqa kala iibsiga xagaaga.

Wararka Kale ee Xiisaha Badan

Sida laga soo xigtay football.london , Barkley, oo ku dhibtooday kooxda uu hogaamiyo Thomas Tuchel , ayaa diyaar u ah inuu u wareego kooxo kalebilowga 2022.

Dhanka kale, warbixinta ayaa sheegeysa in Ziyech iyo Loftus-Cheek laga yaabo inay u dhaqaaqaan kooxaha kale.

Ziyech ayaa ka qayb qaatay seddex gool iyo afar caawin 18 kulan uu u saftay Chelsea xilli ciyaareedkan, halka Loftus-Cheek uu saftay 17 jeer tartamada oo dhan, isagoo caawiye ka ahaa seddex gool.

Fadlan Tuko Salaada Hadii la Gaaray Waqtigeeda


Source: dalkaan