Kooxaha Manchester United iyo Chelsea ayaa dharbaaxo xun kala kulmay raacdadii ay ugu jireen Marcelo Brozovic iyadoo Inter Milan ay ku kalsoon tahay inay heshiis la gasho ciyaaryahanka khadka dhexe si uu heshiis cusub ugu saxiixo.

Brozovic, oo lagu wado inuu noqdo wakiil xor ah dhamaadka xilli ciyaareedkan, ayaa sidoo kale loo arkaa bartilmaameedka kooxaha Paris Saint-Germain iyo Tottenham Hotspur .

Ciyaaryahanka heerka caalami ee dalka Croatia ayaa ku soo bilowday kulan walba Inter xilli ciyaareedkan, laakiin warar dhawaan soo baxay ayaa sheegayay in kooxda ka dhisan Serie A aysan dooneyn inay la kulanto dalabkiisa mushaharka 6 milyan euro (£ 5.1m).

Maamulaha Inter Giuseppe Marotta ayaa shaaca ka qaaday in wadahadalo la qorsheynayo ciyaaryahanka iyo wakiilkiisa isbuuca soo socda, inkastoo Nerazzurri ay u muuqato inay diyaar u tahay inay soo bandhigto qandaraas qaali ah.

Dhanka kale, waxaa si weyn looga soo wariyey Talyaaniga in Inter ay ku dhowdahay inay ku dhawaaqdo qandaraas cusub oo Lautaro Martinez ah , taasoo soo afjaraysa wararka la xiriirinaya mustaqbalka weeraryahanka Arsenal iyo Tottenham .

Fadlan Tuko Salaada Hadii la Gaaray Waqtigeeda


Source: dalkaan

LEAVE A REPLY

Please enter your comment!
Please enter your name here